Tap og tekjur stjórnmálaflokka 2007

Skv frétt á Vísi.is um tap stjórmálaflokka 2007:

http://visir.is/article/20090320/FRETTIR01/213168639/-1 

Mér finnst athyglisvert að sjá þessar niðurstöður, Samfylking tapar mestu eða 90 m meðan tekjur eru 193 m, Vinstri Grænir tapa 36 m, tekjur 80 m, Framsókn tapar 60 m, tekjur 136 m,  og Sjálfstæðisflokkurinn tapar aðeins 37 m, en tekjur heilar 317 milljónir!!. það er heilt haf á millli taps og tekkna hjá vinstri og miðju flokkunum og síðan hjá íhaldinu. Hvar liggur þessi gríðarlegi munur? Er rekstur þessara flokka svona misjafn? Er það virkilega að sýna sig að í Sjálfstæðisflokknum séu hæfari "bisnissmenn" sem kunna að reka flokkinn sem fyrirtæki? Og þá spyr ég, eru þeir þá ekki hæfari til þess verks að reka Ísland sem "fyrirtæki" og koma okkur út úr þessu rugli??

Ps bendi þó á að þessar tölur eru fyrir árið 2007, margt hefur á daga okkar drifið síðan þá.

 

Útrýmið spillingunni

Ég fagna þessari yfirlýsingu páfagarðs um friðþenkjandi Afríku og útrýmingu spillingar en því miður held ég að þetta verði óvinnandi veguri í nánustu frámtíð, slíkt er ástandið í þessari heimsálfu. Sumpart finnst mér þessi ummæli þó eitthvert yfirklór vegna fyrri yfirlýsingar páfa vegna getnaðararvarna er hann lét falla um daginn, og sé að friðþægja sjálfann sig. Sorrý !

Páfinn: Útrýmið spillingunni

Trúðverðuleiki kaþólskrar yfirstéttar

Ég er alls ekkert á móti hinum almenna kaþólikka, langt í frá, þeir eru hvorki verri né betri en aðrir trúarinnar menn, en það er hins vegar "yfirstétt" hinnar kaþólsku trúar sem er búinn að eyðileggja ímynd þeirra, ekki síst núna á krepputímum þegar við horfum mikið nánar á alla eyðslu og allt það bruðl er viðgengst í heiminum. þeir eru gersamlega komnir út úr öllum raunverluleika hins veraldlega lífs. Það er t.d.  alkunn staðreynd að í dýpstu kimum Vatíkansins sem eru ekki neinar þriggja herbergja íbúðir, eru gríðarleg söfn dýrgripa, málverk og fleira sem ættu aðeins heima á söfnum heimsins fólki til yndisauka og ánægju.

Ég var staddur í einni af hinum mörgu fögru kirkjum Evrópu, nánar tiltekið í Sevilla á Spáni í hittifyrra, og er ég gekk inn var sem ég missti andann af einskærri undrun yfir öllu prjálinu, gullinu og ríkulegheitunum sem þarna voru allsráðandi. Ég hugsaði með mér að Jesú hlyti að snúa sér við í gröf sinni ef hann vissi hvernig þróun trúarinnar hefur breyst frá því er hann hóf boðskap sinn sem trésmiðarsonur upp í þennan auðsöfnuð sem smátt og smátt raunin hefur orðið.

ÖSE fylgist með með kosningum á Íslandi !

Já, þetta er alveg ótrúleg staðreynd sem blasir við okkur hér á Íslandi, landi elsta þjóðþings í heimi, og að því er ég best veit hafa kosningar alltaf gengið algerlega snurðulaust fyrir sig, og mig langar að vita nánar um ástæður þess að þetta þurfi að gerast? Er litið á okkur sem algert bananalýðveldi og eða ríki einræðis og spillingar að til þessa eftirlits þurfi að koma?

Er þetta gert í kjölfar bankahruns okkar og þeirrar staðreyndar að við skulum hafa verið settir á hryðjuverkalistanns margumrædda? Er þetta krafa sem sett er vegna láns okkar frá Alþjóðagjaldeyrissjóðnum? Og er þetta fyrsta skref í þá átt að við erum að missa sjálfstæði okkar sem gjaldþrota þjóð ??

Ég bara spyr ???

ÖSE fylgist með kosningunum

Jóhanna með um 80% atkvæða

þetta kemur ekki á óvart, það hefur allt bent í þessa átt, það kemur hinsvegar  skemtilega á óvart að fimm konur eru í átta efstu sætum, kannski  að kvennabyltingin sé ekki dauð úr öllum æðum

Jóhanna með 80% atkvæða

Gunners á skriði

Nú er gaman  mínir á fljúgandi siglingu á meðan "Mansteftirúnæted" eru að hrapa, það vantar bara að Aston Villa tapi fyrir Spurs á morgun, sem ég er viss um að þeir geri, Spursarar eru á róli.

Arsenal í fjórða sætið

Er kaþólsk trú á villigötum?

Þegar að maður heyrir svona fréttir langar mann hreinlega til að leggja upp laupanna og  gefast upp.  Þessir hempuklæddu menn hinnar kaþólsku kirkju virðast engan veginn vera staddir í raunveruleikanum í hvaða merkingu þeirra orða sem þau nú eru.  Þeir dirfast að fordæma lítið barn 9 ára að aldri, littla stúlku sem varð þunguð eftir nauðgun stjúpföðurs síns, ófreskju,  ekki bara að einu barni heldur tvíburum.! .

Kaþólski kardinálinn segir að "hin ófæddu börn"  hafi átt rétt á að lifa, og undir þetta taka hinar hávirðulegu hempur í Róm! Hvað í ósköpum verður til að menn ( í þessu tilfelli hávirðulegir kardinálar og aðrir hempuklæddir menn hinnar kaþólsku trúar)  kunngjöri þvílíkann boðskap?  Þetta er alls ekkert nýtt hjá þessum trúarinnar mönnum, þeirra blóðslóð má rekja langt aftur í aldir, gleymum því ekki að þeir gerðu út málaliða (Hermenn) til Suður Ameríku á sínum tíma og drápu þúsundir manna í nafni trúarmála. Nei, ég held að tími sé kominn til að kíkja á þessa klerka betur, þeir eru ekki betri en fjármálamennirnir okkar, þess virði að kíkja á.

 

Vatíkanið tekur undir fordæmingu

Neysla dregst saman, eða?

Nú þegar kreppir að skóm þarf að herða reimarnar fastar að  svo tryggt sé að jafnt og örugglega sé stigið til jarðar. Þessi könnun Morgunblaðsins sýnir t.d. að um 90% fleiri lögðu inn númeraplötur sínar frá okt 08 til mars 09, og jakkafatahreinsun hefur lika dregist saman töluvert, enda færri bankamenn í fínum fötum   Meira að segja gengur illa að selja hreinræktaða hunda! hvernig sem á því stendur nú. Það er líka mikil merking í aukningu á sölu á bökunarvörum, sem þýðir að fleiri eru að baka sitt eigið brauð frekar en að kaupa úti í bakaríi.  Það er líka fyndið að fólk hefur greinilega minkað verulega notkun háralita, það var aðeins 30% aukning í febrúar miðað við tæplega 70% í nóvember 2008.

En allt hefur sínar björtu hliðar á móti, bankamenn fóru í flokkum til útlanda í árshátíðarferðir  og létu væntanlega hreinsa sín föt þar, en gera það á Íslandi nú, fólk keypti tilbúnar kökur og lét vera að baka, en gera það nú, það eykur verslun í bökunarvörum, menn og konur fóru mikið út að borða  á hinum fjölmörgu veitingastöðum borgarinnar, sem var bara gott út af fyrir sig  en gera það ekki svo glatt í dag,  þetta náttúrulega þýðir að fleiri kjósa að borða heima, sem aftur kallar á að það þarf að versla í búðinni þinni sem er bara gott. Svona dæmi er lengi hægt að telja upp á þessum erfiðu tímum og ekki auðvelt að segja til um hvernig fer, en ég er nokkuð bjartsýnn á framtíðina

Neysla dregst saman í kreppunni

Davíð og framtíðin

Nú er Davíð Oddson seðlabankastjóri stiginn af stóli og aðrir menn teknir við stjórn þar á bæ. Settur hefur verið norskur maður í þetta embætti til bráðabrigða, eða þar til annar verður fenginn til starfanns eftir "réttum" leiðum. Ég þekki Davíð ekki neitt frekar enn svo margir landsmenn. Margir hafa verið ósparir á gagnrýni á hans störf í þessu embætti, sumir á móti hans störfum og aðrir með. En eitt veit ég og það er náttúrulega mín persónulega skoðun, að hann er ákaflega vinalegur maður með gífurlega mikinn persónuleika og útgeislun að því er mér hefur fundist í gegnum tíðina, hafandi fylgst með hans störfum , allt frá því er ég fyrst fylgdist með honum og hans félögum,
Hrafni Gunnlaugsyni og þórarni Edjárn í Matthildi sem alþjóð veit að er meistarastykki !.

Davíð er eins og alltir vita vesturbæingur með meiru, og hefur stundum verslað við mig í minni verslun.  Hann kemur sérlega vel fyrir og er mjög alþýðlegur maður sem heilsar öllum með sömu virktum hvort sem um er að ræða háttsetta menn í elítunni eða hin óbreytta almúga.

Ekki er ljóst hvað hann tekur sér fyrir hendur nú að loknu bankastjórastarfinu, en ég á von á að hann leggi höfuðið í bleyti og velti hinum ýmsu möguleikum fyrir sér, hvort sem hann leggist í ritstörf eða hreinlega fari aftur í stjórnmálinn, sem ég persónulega vona að hann geri.

Reykjavík / Róm

Nú er ekki gott að tala um peninga, eða flotta bíla eða jafnvel flott penthouse á efstu hæð húsa við sjávarsíðuna,  hvort sem er í Reykjavík, Róm eða öðrum álíka flottum borgum.Það er heldur ekki gaman né flott að hlusta á fólk karpa fram og tilbaka um hvort þjóðin okkar, Ísland,  og raunar allar þjóðir heims,  séu að fara á hausin og allt að fara  til fjandans. Á hverjum degi hlustum við á fréttir, hvort sem er í  útvarpi eða sjónvarpi,  og alltaf er útgangspunkturinn sá sami, neikvæðni, við erum að fara niður til heljar.  Stjórnmálamenn hvar í flokki sem þeir eru, keppa aðeins að einu, að halda völdum ! ég meina, í öðru eins ástandi og nú geisar, skyldi maður ætla að samstaða manna og kvenna væri meiri en áður?   Nú er lag að breyta þessu, hvernig? jú, í vor á að kjósa á ný og það er aðeins í okkar valdi (kjósendanna) að breyta þessu.

Ég neita að trúa því, og, ég ætla  ekki að trúa né sætta mig við það að fáir menn á Íslandi, mínu föðurlandi, geti kollvarpað öllu atvinnulífi, öllum landbúnaði, öllum sjávarútvegi, sökum þess að örfáir menn þurftu að kaupa flottar íbúðir eða snekkjur erlendis, og skuldsettu íslensku þjóðina fyrir herlegheitunum ! Gleymum  því ekki að þessar eignir, (íbúðir og snekkjur) voru fengnar á 100%  láni frá Landsbankanum, ( hvar var verið að skoða veð vegna þessa lána ? )  Ef þetta er ekki saknæmt, þá heiti ég Jón!