Alvöru stjórnarandstaða óskast, helst ónotuð!!!

Ég lýsi hér með eftir almennilegri stjórnarandstöðu sem ekki er föl  gegn greiðum af ýmsu tagi, og getur tekið sjálfstæðar ákvarðanir án áhrifa frá Steingrími J Mubarak,
JóhönnuGrimmu, sjá hér að neðan.

Stjórnarandstæðingar þessir þurfa að vera fólk sem er tilbúið að leggja á sig mikla vinnu dag og nótt, og að þurfa að taka við skítkasti  frá vinstri vængi Samfylkingar og VG, og hugsanlega  Framsóknar við ýmis tækifæri.

Ef einhverjir umsækjendur eru þarna úti sem treysta sér í þetta alvarlega verkefni, sem í stuttu máli er að steypa þessari ríkisstjórn af stalli með þeim hætti sem til þarf, ( egypsku aðferðinni t.d.)  er hægt að nálgast umsóknareyðublað hjá undirrituðum með því að senda mér línu

[e-mail]

Og verður það þá umsvifalaust sent til sérstaks ríkissaksóknara til umfjöllunar og meðferðar til mats á hæfni umsækjanda.

Með kveðju

Ónefndin 

Er jarðskorpan að skipta um gír?

Það fer um mann þegar að maður spáir í hvað geti verið að gerast í veðurfari um allan heim, í Ástralíu þessi  svakalegu flóð sem rústað hafa heilu fylki að telja, flóð nú fyrir skemmstu í fjöldamörgum evrópulöndum svo mikil að eldra fólk man ekki annað eins.

Í Kína er það sama upp á teningnum, flóð ofan á flóð í mörgum héruðum, á Indónesíu, n.t. Súmötru reið stór skjálfti upp á 5,8 á Richter þann 17 janúar sl. ofan á allar hörmungar sem þar hafa  átt sér stað. (Indónesía er staðsett á hinum svokallaða „Eldhring“, sem er á flekamótum og þar eru tíðar jarðhræringar, jarðskjálftinn mikli sem reið yfir í Suður-Asíu á annan í jólum 2004 átti upptök sín nálægt eyjunni Súmötru í Indlandshafi. Hann var 9,1 stig og er því 3. stærsti skjálfti sem mælst hefur frá því að mælingar hófust í byrjun síðustu aldar.)

Í Bandaríkjunum er nú sannkölluð vetraröld, frá Texas og upp til Canada eru vetrarhörkurnar slíkar að þúsundir flugferða hafa verið lagðar niður og er það einsdæmi! 

 Þetta er einfaldlega það sem er að gerast út um allann heim, úrhellisrigningar hér og þar, fellibyljir annarstaðar, flóð ofan í flóð um  allann heim, jarðskjálftar á víð og dreif, eldgos á stöku stað,  en ekkert heyrist um þurka neinstaðar aldrei þessu vant!!!

Skrýtin dauðsföll fugla og fiska voru tilynnt fyrir nokkrum vikum eða mánuðum um allan heim, 

 Er eitthvað að gerast á jarðskorpunni sem ekki er vanalegt?

Er eitthvað í vændum sem engin getur ímyndað sér ?

Gaman væri að heyra í ykkur með comment á þessu. 

Bílar festast unnvörpum í kvöld í Reykjavík

Já, það er allavega að verða illfært hér á planinu hjá mér í  Norðlingaholti, á að mæta í vinnu í fyrramálið og veit ekki hverni mér tekst að komast í gegnum planið, er raunar með bílinn í bílakjallara, en þarf engu að síður að komast eina þrjátíu eða fjörtíu metra í gegn áður en ég kemst á strætóleið.

En, sjáum til í fyrramálið

http://visir.is/bilar-festast-unnvorpum-i-kvold/article/2011216102071

 

Obama hvetur til stjórnarskipta í Egyptalandi

Hann hvatti Mubarak til að hlusta á raddir fólksins og hvatti hann til að taka réttar ákvarðanir með hag þjóðarinn í forgrunni, hann sagði einnig að heimurinn fylgdist allur með Egyptum.

Hann, Mubarak yrði að afsala sér völdum í landinu!! sagði forsetinn. 

Hvetur til stjórnarskipta

InDefence styður ekki Icesave

Þeir félagar í InDefence styðja ekki Icesafe samningin, áður hafa þær raddir heyrst að þeir styðji hann en nú er það staðfest að svo er ekki, hér er fréttatilkynnig þeirra:

„Undanfarna daga og vikur hafa fjölmiðlar og stjórnmálamenn slegið því fram að InDefence hópurinn hafi jákvæða afstöðu gagnvart Icesave III samningunum. Það er rangt.

Þann 10. janúar skilaði InDefence hópurinn umsögn um núverandi Icesave samninga til fjárlaganefndar Alþingis. Umsögnin var einnig afhent öllum þingmönnum.

Í umsögninni er ítarlega fjallað um þá miklu fjárhagslegu áhættu sem núverandi samningar fela í sér fyrir Íslendinga. Sú áhætta er staðfest í öðrum efnahagslegum umsögnum. Í umsögninni er lögð rík áhersla á að til að samningarnir geti talist ásættanlegir sé nauðsynlegt að draga úr þessari áhættu.

Þegar útgreiðslur úr þrotabúi Landsbankans hefjast verður að tryggja að Íslendingar njóti aukins forgangs. Með þeirri breytingu að jafnstöðusamningar (Pari Passu) milli aðila yrðu felldir úr gildi yrði áhættu núverandi og komandi kynslóða Íslendinga mætt að verulegu leyti.

Í umsögninni segir orðrétt: „Þetta á að vera krafa íslenskra stjórnvalda ef gera á samning án þess að skorið sé úr um lögmæti greiðsluskyldunnar.“ Í samræmi við þessa umsögn, ráðlagði InDefence fjárlaganefnd Alþingis að sameinast um eina breytingartillögu sem hefði minnkað fjárhagslega áhættu þjóðarinnar og skapað meiri frið um Icesave samkomulagið.

Afstaða InDefence hópsins hefur verið skýr og hin sama frá upphafi málsins:
Grundvallaratriði er að samningar um Icesave málið endurspegli þrjú meginatriði:

1. Að ekki sé lögbundin greiðsluskylda að baki kröfum Breta og Hollendinga.
2. Að samningar feli í sér skipta ábyrgð allra samningsaðila.
3. Að samningar feli í sér skipta áhættu allra samningsaðila.

Að mati InDefence hópsins endurspegla núverandi samningar ekki þessa þætti með fullnægjandi hætti.“

 

Forkólfur verkalýðshreyfingar segir af sér!

Þó ekki væri, hann er í forystu verkalýðs á suðurnesjum og gerist stjórnarformaur banka! sem  er algerlega út í hött af verkalýðsleiðtoga, og í þokkabót skrifar hann undir starfslokasamning við bankastjóra "án  þess að lesa samninginn" sem síðann reynist  illa gallaður!!

Farið hefur fé betra segi ég!! OG MEGA  MUN FLEIRI FARA Í HEIMI VERKALÝÐSHREYFINGAINNAR, ÞAÐ ER BARA SPURNING UM TÍMA. 

Kristján segir af sér

Mikið um árekstra á höfuðborgarsvæðinu

Það er ekki nema von! menn eru enn á dekkjum sem í raun eiga ekki einu sinni  að vera á bílum að sumri til, enda ekki nema von að lögreglan á Akureyri lét eftir sér í  Reykjavík Síðdegis þegar að spurt var hvort mikið væri um óhöpp í vetrarumferðinni í dag, þeir sögðu að lítið væri um slíkt þar sem að ökumenn nyrðra væru mun betri en í Reykjavík!!!

Margir árekstrar á höfuðborgarsvæðinu