Anna Kristine og Kumbaravogsmálið, enn ein bankahneisan!

Þetta er með ólíkindum ef rétt er, að hún skuli lögð í slíkt einelti vegna blaðaskrifa sinna um tiltekið mál, er hrikalegt. Og að Landsbankamenn skuli leggjast svo lágt að halda að þeir komist upp með það að loka á kort hennar og gera hana glæpsamlega í augum verslunarfólks og annara er þvílík hneisa að manna blöskrar svo um munar, vona að hún fari í hart og fái úr skorið hinu rétta í þessu og láti okkur alþjóð vita, því ef svo reynist að bankinn gangi fram með þessum hætti, er það enn einn ljótur ljóður á bankahneisu okkar!

Anna Kristine var þjófkennd

Ferguson að undirbúa morgundaginn með sálfræðistríði.

Snjallt hjá karlinum að segja þetta, sálfræðin í fyrirrúmi hér, gerir Spursara sigurstranglega en hugsar þeim sjálfsagt þeygjandi þörfina! en ég held að Tottenham taki þetta á morgun!

http://visir.is/article/20090911/IDROTTIR0102/14733701/-1

Tvíkynja hlaupadrottnig

Ég kenni í brjósti um þessa hlaupakonu sem úrskurðuð er tvíkynja í dag, mér finnst öll umræða vafasöm í  meira lagi, og vona innilega að hún verði ekki svipt sínum verðskulduðu verðlaunum, hún er jú læknisfræðilega vansköpuð, hún er með kvenkyns sköp, en með innvortis eistu og ekki með eggjastokka. Ég finn til með fjöldskyldu hennar að þurfa að bíða í óvissu um framhald mála!

Fjölskylda Semenya bregst reið við

Falsað nautahakk eða gúrkutíð Stöðvar 2 ?

Þessi frétt skýtur sig strax í fótinn og  er í sjálfu sér ekkert annað en bein lýsing á þeirri gúrkutíð sem nú er í gangi, ég trúi því engan veginnn að þetta sé iðkað, alla vega alls ekki af þeim stóru vinnslum sem helst vinna á markaðnum, veit ekki um minni vinnslur, það myndi ekki fara á milli mála ef hrossakjöti væri blandað í nautahakkið, áferð hakksins myndi strax sýna það, en það er með ólíkindum að ein af  aðalfréttum Stöðvar 2 skuli vera sem slík, það ber greinilega vott um að þeir hafi frekar lítið fréttaefni um þessar mundir! og þurfa að  slá um sig með fyrirsögnum!! Svei þeim.

Bauhausbyggingin fer hvergi

Það hafa vafalaust margir sem keyrt hafa leiðina á milli Reykjavíkur og Mosfellsbæjar, velt fyrir sér þessari stóru byggingu sem stendur við þjóðvegin. það var allt tilbúið hjá þeim í Bauhaus, starfsfólk þjálfað og klárt en síðan skall kreppan á! allt var sett á hold og ekkert skeði, hvað varð um þetta starfsfólk? og hvað ætli verði um  bygginguna, skv, fréttum í kvöld verður húsið ekki tekið niður heldur ætla menn að bíða og sjá hvað verður, sjá frétt í Vísi.is,

http://visir.is/article/20090905/FRETTIR01/654440349

 

Sá Hitler stríðið fyrir?

Það slær mig svolítið að þessi efri  mynd skuli vera ákaflega lík einhverri borg sem er í rústum, t,d, eins og eftir loftárás!! sá kallinn eitthvað í spilunum?

Myndir Hitlers fóru á 42 þúsund evrur

Upplausn verði Icesave hafnað að hálfu Breta og Hollendinga!

Þetta segir forsvarsmaður íslenska ríkisins blákalt í viðtali við Agnesi Bragadóttur í sunudagsútgáfu Morgunblaðsins. Hann segir að ef þeir hafni samningnum sem slíkum sé komin upp grafalvarleg staða sem erfitt sé að sjá fram úr, og málið í raun algerlega í upplausn!! þetta hlýtur að vera mjög illa ígrunduð athugasemd af hans hálfu sérstaklega þar sem hann er greinilega í forystuhlutverki í ríkisstjórn þessari og á þar af leiðandi heldur að stíga á bremsuna  hvað varðar svartsýnar yfirlýsingar. Auðvitað vitum við að staðan er ekki góð, en sem ráðamaur í þessari stjórn á hann sem og allir aðrir ráðherrar og í raun þingmenn okkar, að láta ekki svona óvarfærnislegar staðhæfingar úr munni sínum fara, við áttum að sjálfsögðu fyrir löngu að vera búnir að standa fastar á okkar hlut en hefur verið gert, þá meina ég að við áttum strax að neita að borga!!!

Upplausn hér verði Icesavelögum hafnað

Þeir skulda 9 milljarða vegna landakaupa á Spáni!

Félag í eigu Björgólfs Thors og Róberts Wessmans skulda 9 milljarða vegna landakaupa á La Manga á Spáni!! Til stóð að byggja íbúðaþyrpingu í kringum La Manga klúbbinn en það fór fyrir bí vegna spillingamála í tengslum við veitingu byggingarleyfa. Ekki er vist að gengið verði að persónulegum veðum þeirra í tengslum við þetta mál! Hér er enn eitt dæmið um fjáraustrið sem þessir menn tóku sér fyrir hendur, það virtist sem ekkert gæti stoppað þessa menn. 

Sjá frétt: http://gudjul.blog.is/blog/gudjul/entry/939388/

Ef tími samstöðu er ekki núna, þá hvenær?

Það er ekki gaman að tala um peninga þessa dagana, eða flotta bíla og dýr penthouse á efstu hæð húsa við sjávarsíðuna,  hvort sem er í Reykjavík, New York eða öðrum álíka flottum borgum. Það er heldur ekki gaman að hlusta á fólk karpa fram og tilbaka um hvort þjóðin okkar sé að fara á hausin og allt að fara  til fjandans. Á hverjum degi hlustum við á fréttir, hvort sem er í  útvarpi eða sjónvarpi,  og alltaf er útgangspunkturinn sá sami, neikvæðni, við erum að fara niður til heljar.  

Ég neita að trúa því, né sætta mig við það að fáir menn á Íslandi, mínu ástkæra föðurlandi geti kollvarpað öllu atvinnulífi, landbúnaði og sjávarútvegi sökum þess að örfáir menn þurftu að kaupa flottar íbúðir eða snekkjur erlendis, hljóðfráar þotur og þyrlur til að skjótast upp í sumarbústað, svo ekki sé minnst á fínu veislurnar með heimsfrægum poppurum og fínustu kokkum heims, og skrifuðu þetta allt hjá íslensku þjóðinni ! Gleymum  því ekki að þessar eignir, (íbúðir og snekkjur og þotur) voru fengnar á 100%  láni frá bönkunum okkar, ég segi okkar því íslenska þjóðin átti þessa banka áður en ákveðin hópur stjórnmálamanna ákvað að gefa þá frá sér, skömmin er ævarandi þeirra, Ef þetta er ekki saknæmt, þá veit ég ekki hvað er.

Stjórnmálamenn hvar í flokki sem þeir eru, keppa aðeins að einu, að halda völdum ! ég meina, í öðru eins ástandi og nú geisar, skyldi maður ætla að samstaða okkar væri meiri en oft áður?   Nú verðum við að breyta þessu, hvernig? jú, með því að vera samhuga í að láta jákvæðar fréttir vera í forgangi og ekki síst að láta flokkkspólítíska hagsmuni lönd og leið og vinna saman að sem bestu kjörum fyrir íslensku þjóðina, börnum okkar og barnabörnum til heilla í framtíðinni.

Skákinn svæfði stórmeistarann (með hjálp Bakkusar)

Þetta finnst mér ansi fyndin frétt, gæfi mikið fyrir að sjá þetta í mynd  kannski hann hafi verið í boði hjá einhverjum bankanum á Indlandi svoa rétt fyrir mót og hefur kannski frétt af Sigmundi Erni á þinginu hér á Fróni og hugsað sem svo, þetta hlýtur að vera í lagi.

Sofnaði yfir skákborðinu