Ef tími samstöðu er ekki núna, þá hvenær?

Það er ekki gaman að tala um peninga þessa dagana, eða flotta bíla og dýr penthouse á efstu hæð húsa við sjávarsíðuna,  hvort sem er í Reykjavík, New York eða öðrum álíka flottum borgum. Það er heldur ekki gaman að hlusta á fólk karpa fram og tilbaka um hvort þjóðin okkar sé að fara á hausin og allt að fara  til fjandans. Á hverjum degi hlustum við á fréttir, hvort sem er í  útvarpi eða sjónvarpi,  og alltaf er útgangspunkturinn sá sami, neikvæðni, við erum að fara niður til heljar.  

Ég neita að trúa því, né sætta mig við það að fáir menn á Íslandi, mínu ástkæra föðurlandi geti kollvarpað öllu atvinnulífi, landbúnaði og sjávarútvegi sökum þess að örfáir menn þurftu að kaupa flottar íbúðir eða snekkjur erlendis, hljóðfráar þotur og þyrlur til að skjótast upp í sumarbústað, svo ekki sé minnst á fínu veislurnar með heimsfrægum poppurum og fínustu kokkum heims, og skrifuðu þetta allt hjá íslensku þjóðinni ! Gleymum  því ekki að þessar eignir, (íbúðir og snekkjur og þotur) voru fengnar á 100%  láni frá bönkunum okkar, ég segi okkar því íslenska þjóðin átti þessa banka áður en ákveðin hópur stjórnmálamanna ákvað að gefa þá frá sér, skömmin er ævarandi þeirra, Ef þetta er ekki saknæmt, þá veit ég ekki hvað er.

Stjórnmálamenn hvar í flokki sem þeir eru, keppa aðeins að einu, að halda völdum ! ég meina, í öðru eins ástandi og nú geisar, skyldi maður ætla að samstaða okkar væri meiri en oft áður?   Nú verðum við að breyta þessu, hvernig? jú, með því að vera samhuga í að láta jákvæðar fréttir vera í forgangi og ekki síst að láta flokkkspólítíska hagsmuni lönd og leið og vinna saman að sem bestu kjörum fyrir íslensku þjóðina, börnum okkar og barnabörnum til heilla í framtíðinni.

Hvernig væri að leggja munaðarskatt á laun þingmanna, forkólfa verkalýðshreyfinga og ríkisforstjóra?

Það held ég að væri ráðlegðra heldur en að leggja "munaðarskatt" á olíu, af öllum hlutum, það er greinilega munaður að keyra bíl fjöldskyldunar, best er kannski eins og vinstri menn vilja að allir fari í einn ríkisstrætó og við hverfum aftur til Stalíns tímann?? eða hvað meina menn með svona vitleysu? Hvað kusu menn yfir sig " for kræing át lát" ?

Ekki útilokað að hæstu laun ríkisstarfsmanna lækki

Enn einn loforðamolinn sem hent er í okkur lýðinn!

Það er auðvelt að sitja á toppnum með tiltölulega trygga atvinnu og lofa slíkum hlutum sem Jóhanna lofar, að snarfjölga í ráðgjöf til fólks i greiðsluerfiðleikum. Hvað á eftir að koma út úr því, fær þetta fólk einhverja lausn sinna mála þó svo þó biðröðin styttist um eina viku eða svo?? En hve oft er búið að vera að lofa einhverju? Allt frá því að hrunið hófst í sept, og sértsaklega eftir áramót, alltaf eru á leiðinni aðgerðir sem eiga að greiða fyrir okkur almúganum að ekki sé talað um atvinnufyrirtækin sem sífellt stíga valtari fótum á jörðina, þangað til þau hreinlega falla alveg til jarðar,  þeim mun  lengra sem líður og ekkert er gert,  þeim mun styttra er í þetta fall, og það er akkúrat það sem er að fara að skella á nú á næstu dögum og vikum! 

Ef eitthvað á að fara á betri veg, verður að fara í aðgerðir strax, og byrja á að lækka stýrivexti á morgun verulega, helst þannig að þeir verð ca 4% yfir EB vöxtum sem eru ca 1.4 -2%, þ.e. okkar vextir þurfa að fara í um 5-6% .

Ráðgjöf verður stórefld

Byggingargeirinn tók ekki við sér í aprílmánuði

Þetta eru enn ein vonbrigðinn, það gerðu sér margir vonir um að byggingarkranarnir færu að hreyfast með vorinu, en svo er greinilega ekki, og enn ein bjarstýnisvonin farinn út um gluggann. Hvað eigum við eftir að sjá margar slíkar í viðbót? Hvað verður til dæmis með ferðamannastraum til landsins í sumar? hvernig fer með skólafólk og vonir þeirra um atvinnu? Hvað verður um bílasölur, og svo fr.

Lífið kviknaði ekki í aprílmánuði

Djörf vaxtalækkun? látið ykkur dreyma!

Ráðamenn þjóðarinnar telja að svigrúm sé fyrir "djarfri" vaxtalækkun og vona að ákvörðun Seðlabankanns verði á þeim nótunum nú á fimmtudaginn.  En annsi er ég hræddur um að Seðlabankinn muni ekki þora að fara þá leið vegna þrýstings frá Alþóða gjaldeyrissjóðnum! sem virðist halda landinu í "gíslingu" og engin þorir að andmæla.  Jóhanna Sigurðardóttir segist vona til að slíkt verði gert og vonast til að stýrivextir verði komnir í 2-3% í lok árs. Steingrímu J tekur svipaðan pól í hæðina og bætir við að hann vonist til að atvinnuleysi fari ekki yfir 10% á þessu ári!!

Lifa þessir ráðamenn okkar í Undralandi? þeir eru engan veginn í kontakt við þjóðarsálina og virðast ekki gera sér grein fyrir að ekki er langt í að gríðarlegur fjöldi atvinnufyrirtækja eru á næstu vikum og mánuðum að fara yfir um!!

Það nýjasta er að ekki munu þeir koma sér saman um að sækja um aðild að EB, sem sýnir að þeirra samstarf byggist aðeins á því að halda völdum og tryggja ráðherrastóla sína!  Vitna í í þessa frétt orðrétt:

" Ráðherrarnir viku sér undan að tjá sig um þá frétt Morgunblaðsins í morgun, að Alþingi verði falið að ná niðurstöðu um hugsanlegar aðildarviðræður við Evrópusambandið. Sögðust ráðherrarnir ætla að bíða með að tjá sig um málið þar til stjórnarmyndun sé lokið. Þeir ítrekuðu, að þeir væru væru mjög bjartsýnir um að henni ljúki um helgina."

Þetta segir nokkurn veginn allt sem segja þarf!

Svei attann!!

 

Myndi fagna djarfri vaxtalækkun

Hvalkjötsvinnslan til Kjötvinnslu Esju

Það er ekki slæmur kostur að fá vinnsluna til höfuðborgarsvæðisins, held að dreifing verði í betri farveg en yrði hún á Akranesi, ég hef bara góða reynslu af að versla hrefnukjöt við kjötvinnslu Esju á síðasta ári, kjötinu var vel pakkað inn og einnig buðu þeir upp á grillmarinerað kjöt í hæfilegum neytendapakkningum, svo ég held að þessu verði vel fyrir komið hjá þeim.

Hvalkjötvinnslan til Esju

Hvað er ekki gert í listarinnar nafni?

Að láta sér detta þetta í hug, ætti að koma stúlkunni áfram án prófa, þvílíkt ímyndunarafl og þvílík snilltar listamannshugdetta! ég meina, halló, þetta er æðislegt, hér er myndin af bílnum umrædda, ef þú sérð hann, smelltu á myndina til að stækka.

 

Ósýnilegur Skodi

Svína þetta og svína hitt! úrelt ha!

Hættum þessu kjaftæði um þessa Mexíkóveiki, þetta er orðið gott ágætu frétta og blaðamenn landsins! þið eruð greinilega í gífurlegri gúrkutíð og þurfið að blása allt út sem þið fáið í hendurnar! ömurlegt. Að ekki sé minnst á hve mikið þið hræðið almenning á landinu? Þið ættuð heldur að taka ykkur saman í andlitinu og fara að birta uppbyggilegar greinar um málefni, hver  sem eru, og eins að fara að tala krónuna upp, í stað þess að tala hana niður eins og þið hafið gert mánuðum saman.

Svín greind með flensu í Kanada

Er krísan svo mikil að það þarf Spánverja í markið hjá enskum?

Djöfull er þetta ömurlegt fyrir enska að þurfa að vera að horfa til erlendra markmanna eins og Almunia hjá Arsenal!

Wenger segir að hann sé besti kostur í stöðunni eins og er, en þeir sem koma til greina eru: Robinson, Kirkland, Green og Foster.

Almunia í enska landsliðið?

Misnotkun á atvinnuleysisbótum !!

Ég er þess fullviss að fólk er að misnota atvinnuleysisbætur með ýmsum hætti. Og þekki ég nokkur dæmi þess!

Sjálfur er ég í forsvari fyrir fyrirtæki í bænum og verð ég verulega var við að ekki er verið að sækja um atvinnu eins og maður hefði haldið að myndi vaða yfir mann á þessum erfiðu tímum!! 

Bæturnar misnotaðar