Kóngulóin er besti veðurfræðingurinn

Hef verið að fylgjast með stórrí kónguló sem tekið hefur sér búsetu  í garðinum mínum, og síðastliðnar fimm vikur  hef ég ekki getað haft augun af henni  og hennar  fallega vef, sérstaklega þar sem mér er meinilla við þessa tegund skordýra og í  raun afarhræddur við þær, og er alltaf að passa upp á að  hún sé á sínum stað og fari ekki lengra,  (þ.e. inn í  íbúðinna) sem hún náttúrlega gerir ekki, og hangir bara á sínum vef og veiðir sínar flugur, gott mál.

En ég hef tekið eftir ákveðnu  háttarlagi hjá þessari ágætu kónguló, hún  finnur veðrið á sér svo ekki sé vægt í árina  tekið.

Ef t.d. rok er  væntanlegt er hún flúin upp í  rjáfur einum til tveimur tímum áður, ef mikil sól er í kortunum er hún löngu komin til að undirbúa vef  sinn, ef rigning er væntanleg er hún fyrst til að láta mig vita, því hún felur sig tímanlega áður en á skellur. Hver þarf á veðurfréttum Rúv eða Stöð 2 að halda þegar maður hefur þessa fínu kónguló??

Merkilegt nok þetta dýraríki !!! 

Athugasemdir

[Axel Jóhann Hallgrímsson, 2.7.2011 kl. 18:22]

Ég er í öngum mínum, undanfarin ár hafa verið krosskóngulær með vefi sína á nánast öllum gluggum hjá mér, núna er engin. Ein kom og gerði veika tilraun, hún var lítil og lét fljótlega í minni pokann fyrir vindum og veðri. Kóngulær eru vinkonur mínar, þær halda frá flugum, sem ég hata. Meðan vefirnir voru í sínu besta, þá sást ekki fluga í húsinu allt sumarið.

Þær komu aldrei inn um gluggana þó þeir væru opnir utan einu sinni. Þá sá ég eina á ferðinni en missti af henni þegar ég ætlaði að veiða hana og koma henni út. Morguninn eftir fann ég hana þegar ég gekk á vefinn hennar. Þá hafði hún ofið vef þvert yfir stofuna. Henni var kurteislega vísað á dyr og vegurinn tekinn niður með ryksugu, ekkert vandamál.

Vertu góður við þessa vinkonu þína Guðmundur. 

[Guðmundur Júlíusson, 2.7.2011 kl. 18:39]

Takk Axel, ég verð góður við þessa vinkonu mína, dettur ekki í hug að skemma vef þessa meistara

[JYQ (IP-tala skráð) 16.7.2011 kl. 01:07]

Bara flott frétt hjá þér frændi :) er svo sammála þér.. Ég er með 2 hérna hjá mér sem ég fylgist mjög vel með ... og svo er það auðvitað verkurinn í hnéinu :*)