Er svokölluð "Svínaflensa" orsök gúrkutíðar heimspressunar, og flótti frá krepputali?

Það læðist að mér sá grunur að þessi flensa sé orðum aukin sem og aðrar, svo ekki sé meira sagt. Munum við öll eftir umræðunni um fuglaflensuna um árið sem í fyrstu orsakaði svipaða umræðu í tvær til þrjár vikur og var sem heimsendir væri í nánd en fjaraði síðan út af sjálfu sér, ekki mátti fara niður á "Tjörn!" að gefa brabra og þar fram eftir götunum og ef dauður fugl fannst á víðavangi var feitletruð frétt í hverju blaði um málið.

Nei ég vona að það sama sé hér uppi á teningnum, þetta muni allt róast um síðir, þó aldrei megi útiloka neitt og auðvitað verðum við að viðhalda ákveðnum varúðarráðstöfunum.

Það er skrýtið að aðeins séu skráð dauðstilfelli í upprunalandinu Mexícó og hvergi annarsstaðar, og einnig að tala látinna skuli ekki hækka meira en nú er! Vonandi er þetta ekki jafn alvarlegt og menn halda.