Er kaþólsk trú á villigötum?

Þegar að maður heyrir svona fréttir langar mann hreinlega til að leggja upp laupanna og  gefast upp.  Þessir hempuklæddu menn hinnar kaþólsku kirkju virðast engan veginn vera staddir í raunveruleikanum í hvaða merkingu þeirra orða sem þau nú eru.  Þeir dirfast að fordæma lítið barn 9 ára að aldri, littla stúlku sem varð þunguð eftir nauðgun stjúpföðurs síns, ófreskju,  ekki bara að einu barni heldur tvíburum.! .

Kaþólski kardinálinn segir að "hin ófæddu börn"  hafi átt rétt á að lifa, og undir þetta taka hinar hávirðulegu hempur í Róm! Hvað í ósköpum verður til að menn ( í þessu tilfelli hávirðulegir kardinálar og aðrir hempuklæddir menn hinnar kaþólsku trúar)  kunngjöri þvílíkann boðskap?  Þetta er alls ekkert nýtt hjá þessum trúarinnar mönnum, þeirra blóðslóð má rekja langt aftur í aldir, gleymum því ekki að þeir gerðu út málaliða (Hermenn) til Suður Ameríku á sínum tíma og drápu þúsundir manna í nafni trúarmála. Nei, ég held að tími sé kominn til að kíkja á þessa klerka betur, þeir eru ekki betri en fjármálamennirnir okkar, þess virði að kíkja á.

 

Vatíkanið tekur undir fordæmingu

Athugasemdir

[Jón Steinar Ragnarsson, 7.3.2009 kl. 23:55]

Hér er einn fulltrúi manngæskunnar, sem drepur 30.000 börn úr hungri á dag og hálfa milljón barna á ári úr AIDS. http://tomasallansigmundsson.blog.is/blog/tomasallansigmundsson/#entry-822576´Það ætti að stefna þeim fyrir árás á almannaheill og andfélagslegan áróður. Þetta er glæpaklíka, sem vílar ekkert fyrir sér og er nú að blása til nýrrar útgáfu galdraofsókna.

þEir hafa reynt að koma í veg fyrir fóstureyðingu hjá 9 ára stúlku, sem er ólétt eftir nauðgun fósturföður og hef'i dáið án inngripanna, ekki síst vegna þess að hún bar tvíbura. Allir sem aðstoðuðu hana og sýndu mannúð eru útskúfaðir úr kirkjunni og þar með dæmdir til helvítisvistar af þessum geistlegu umboðsmönnum.

[Hilmar Gunnlaugsson, 8.3.2009 kl. 00:50]

Þakka þér fyrir þennan áhugaverða bloggpistil sem og bloggvináttuna Guðmundur minn.

[Ragnheiður Arna Magnúsdóttir (IP-tala skráð) 8.3.2009 kl. 12:15]

Algjörlega sammála þér Guðmundur!

[Erla Einarsdóttir, 20.3.2009 kl. 19:51]

Kaþólikkarnir eru langt aftur í fornöld og algjörlega raunveruleikafirrtir að mínu mati. Enda lifa prestarnir, biskuparnir, kardínálarnir og hvað þetta allt kallast alls ekki í neinum eðlilegum raunveruleika held ég. Skírlífi, auður, vald og sjálfsupphefð hefur gert þá klikkaða og allt í þágu hvers?? Ekki Kristinnar trúar, heldur söfnun auðs og valds til kirkjunnar. USS! Ekki fallegt!

[Guðmundur Júlíusson, 20.3.2009 kl. 20:24]

Ég er alls ekkert á móti hinum almenna kaþólikka, langt í frá, þeir eru hvorki verri né betri en aðrir trúarinnar menn, en það er hins vegar "yfirstétt" hinnar kaþólsku trúar sem er búinn að eyðileggja ímynd þeirra, ekki síst núna á krepputímum þegar við horfum mikið nánar á alla eyðslu og allt það bruðl er viðgengst í heiminum. þeir eru gersamlega komnir út úr öllum raunverluleika hins veraldlega lífs. Það er t.d.  alkunn staðreynd að í dýpstu kimum Vatíkansins sem eru ekki neinar þriggja herbergja íbúðir, eru gríðarleg söfn dýrgripa, málverk og fleira sem ættu aðeins heima á söfnum heimsins fólki til yndisauka og ánægju.

Ég var staddur í einni af hinum mörgu fögru kirkjum Evrópu, nánar tiltekið í Sevilla á Spáni í hittifyrra, og er ég gekk inn var sem ég missti andann af einskærri undrun yfir öllu prjálinu, gullinu og ríkulegheitunum sem þarna voru allsráðandi. Ég hugsaði með mér að Jesú hlyti að snúa sér við í gröf sinni ef hann vissi hvernig þróun trúarinnar hefur breyst frá því er hann hóf boðskap sinn sem trésmiðarsonur upp í þennan auðsöfnuð sem smátt og smátt raunin hefur orðið.