Hve margar voru plágurnar í Biblíunni ?

Ég hélt alltaf að plágurnar í gömlu biblíunni væru 7, en í spurningakeppni í sjónvarpi í kvöld var svarið talið tíu!! Voru kannski þrjár aðrar á undan sem lítið hefur farið fyrir?  er það rétt, nú spyr ég mér fróðari menn eins og Jón Val og fleiri!

Athugasemdir

[Jón Þórhallsson (IP-tala skráð) 5.2.2010 kl. 22:31]

Reyndar er getið um margar plágur í Biblíunni á hinum ýmsu tímum.

Bæði í mósebók og opinberunnarbókinni (Því sem á eftir að gerast)

Önnur Mósebók 9:14

Í þetta sinn læt ég allar plágur mínar bitna á þér, þjónum þínum og þjóð svo að þú komist að raun um að enginn er sem ég á allri jörðinni.

Fimmta Mósebók 28:61

Enn fremur mun Drottinn senda yfir þig allar þær sóttir og plágur, sem ekki eru skráðar á þessa lögmálsbók, þar til þér hefur verið eytt.

Fimmta Mósebók 29:21

Komandi kynslóð, börn ykkar sem á eftir ykkur koma og útlendingar frá fjarlægu landi, munu segja þegar þeir sjá eyðingu landsins, plágur þær og sóttir sem Drottinn hefur látið geisa þar:

-----------------------------------------------------------------------------

Opinberunarbókin 15:1

Og ég sá annað tákn á himni, mikið og undursamlegt: Sjö engla sem höfðu SJÖ síðustu plágurnar því að með þeim lauk reiði Guðs.

Opinberunarbókin 15:6

Englarnir sjö, sem höfðu plágurnar SJÖ, gengu þá út úr musterinu klæddir hreinu, skínandi líni og gyrtir gullbeltum um brjóst.

Opinberunarbókin 15:8

Og musterið fylltist af reyknum af dýrð Guðs og mætti hans og enginn mátti ganga inn í musterið uns plágurnar SJÖ, frá englunum sjö, væru hjá liðnar.

Opinberunarbókin 18:4

Og ég heyrði aðra rödd af himni sem sagði: „Fólkið mitt, forðið yður úr borginni, svo að þér eigið engan hlut í syndum hennar og hreppið ekki plágur hennar.

Opinberunarbókin 18:8

Þess vegna munu plágur hennar koma á einum degi: Dauði, sorg og hungur og í eldi mun hún verða brennd því að máttugur er Drottinn Guð sem dæmdi hana.“

Opinberunarbókin 22:18

Ég, Jóhannes, votta fyrir hverjum þeim manni, sem heyrir spádómsorð þessarar bókar, að leggi nokkur við þau mun Guð á hann leggja þær plágur sem um er ritað í þessari bók.