Árið er 2010, ár Arthurs C Clark

Við erum komin alla leið til ársins 2010, hvorki meira né minna,  sama ár og  Arthur C Clark lét söguna 2010 Odyssey tvö gerast, (en hann samdi bókina 1982)  sem var sjálfstætt framhald myndarinar 2001: A Space Odyssey frá árinu 1968.

Við höfum örugglega öll velt því fyrir okkur þegar við vorum ung, t.d. á því tímabili þegar að þessar ofangreindu myndir voru í sýningum, hvernig framtíðin virkilega yrði? Margir hafa haldið því fram að tæknin árið 2010 yrði mun meiri en en hún er í raun í dag! og við höfum séð margar vísindaskáldsögurnar um það hve mannshugurinn fer á mikið flug þegar að ímynduninn er við völd! En hvernig getum við vitað hve langt tæknin er í raun komin? Við sjáum alls konar bíómyndir og þætti sem sýna þvílíka tækni í meðhöndlun tölva og annarra tæknitóla, og okkur finnst sem þetta sé algerlega ekta meðan að við erum að horfa á það, en síðan förum við yfir málið í ró og raun,  og sjáum að ýmislegt er alls ekki raunhæft.

Tökum sem dæmi nútíma þætti eins og CSI Míami þætti sem sýndir eru á skjá einum, þar eru rannsóknarteymin í aðalhlutverkum í hrikalega flottum hýbýlum með aðstöðu er hæfa bestu rannsóknarstofum, og eru þau gríðarlega fljót að fá niðurstöður úr DNA prófum, það er einn hængurinn á þessum þáttum, í raun í USA er rannsóknarlið CSI ( Crime Scene Investigation)  algerlega út af fyrir sig, og koma ekki að raunverulegri lögleglurannsókn heldur aðeins að tæknilegri hlið mála, en í þáttunum eru þeir sjálfskipaðar löggur sem leysa málið og allt hitt í bónus,  hræðilegt.