Andsvar fyrrverandi kjósanda Frjálslyndra.

 

 Þessi var greinilega ekki á sama máli og verð ég að vera sammála honum !!

"Skipta um hest í miðri á ?? því miður en áin er þornuð upp og spriklandi fiskar í árfarveginum ... ekki stutt í að þeir drepist.Ef ég má nota þá samlíkingu.Kjósendur í öllum kjördæmum lýstu algjöru vantrausti á flokkinn í þeirri mynd sem hann er. Ef forrystan skilur það ekki, að þá held ég að best sé að leggja flokkinn niður.Fylgið í NV kjördæmi tel ég vera vegna Sigurjóns Þórðarsonar. Er það ekki venjan þegar svona gerist í stjórnmálum að stjórn viðkomandi flokks segir af sér og tekur ábyrgð á hræðilegu gengi?Hvergi mundu svona vinnubrögð vera liðin. Hvorki í öðrum flokki á Íslandi, né erlendis.

Ótrúleg vinnubrögð og mjög eðlilegt að kjósendur höfnuðu flokknum. Ef ekki er einusinni hægt að fara eftir reglum innan flokksins hvernig eiga kjósendur þá að treysta flokknum til að taka þátt í uppbyggingu landsins.

Enda fór sem fór. Núverandi forrysta verður bara að fara að opna augun og sætta sig við hlutina eins og þeir eru. Þeirra tími er á enda og ef þeir hleypa ekki öðrum að, að þá mun flokkurinn deyja, með sín góðu málefni og góða fólk sem þar er inn á milli.

Maður er hreinlega miður sín yfir þessu.

Fyrrverandi kjósandi Frjálslynda  flokksins."