Gleymum ekki þeim þremur sem urðu úti á Fimmvörðuhálsi fyrir fjörtíu árum

Það er aldrei of oft sagt að menn fari varlega í náttúru Íslands, sérstaklega nú vegna gossins í Eyjafallajökli, því eins og menn muna hafa menn farist þarna áður við svipaðar aðstæður. 

Minningarskjöldur um þau þrjú ungmenni sem urðu úti á hálsinum stendur enn þrátt fyrir áhyggjur ættingja þeirra sem hann settu upp. "Systkini Dagmarar Kristvinsdóttur, íslensku stúlkunnar sem lést, settu upp skjöldinn fyrir sjö árum til minningar um systur sína og hin tvö sem urðu þarna úti á hvítasunnu vorið 1970, þau Elisabetu Brimnes frá Færeyjum og Ivar Stampe frá Danmörku."

"Eina færa leiðin að skildinum er núna um hinn hrikalega Heljarkamb en beggja vegna hans blasir við hengflug ofan í gilin tvö sem hraunið fossar niður í. Skjöldurinn er um 200 metra frá hraunjaðrinum og uppi í hæð, sem hefur til þessa varið hann gegn hraunrennslinu, en ef gosið verður langvarandi og hraunstaflinn hækkar, gæti skjöldurinn orðið jarðeldinum að bráð"