Indverskt karrý út í geiminn!!

Það er með ólíkindum hve karrý getur haft áhrif á líf okkar, Karrý er blanda af mörgum  kryddtegundum og nú er ætlunin að geimferðarstofnun Indlands reyni að þróa karrý með það fyrir augum að ekki verði vonnt af, "Vísindastöðin sem vinnur að matarþróuninni hefur fram að þessu fyrst og fremst framleitt létta matarpakka í heimilislegum stíl fyrir indverska hermenn"   Halló !!! vita þeir ekki af okkar íslenska kjöti í karrý?

Athugasemdir

[Ragnheiður Arna Magnúsdóttir (IP-tala skráð) 28.3.2009 kl. 09:34]

Það jafnast ekkert á við gott "kjöt í karrý"!!!!

[Guðmundur Júlíusson, 28.3.2009 kl. 14:51]

Haha, nei rétt er það, ætli indverjar viti af hverju þeir eru að missa ? ég meina, ekki vantar karrýréttina hjá þeim, nema að þeir hafa ekki okkar uppskrift, ég sendi þeim hér eina góða, það er aldrei að vita nema þeir kíki á þessa síðu

Kjöt í karríi

1 kg súpukjöt, framhryggur eða annað lambakjöt á beini

1 l vatn

2 lárviðarlauf (má sleppa)

1-2 súputeningar (lambakjöts- eða kjúklingasoð)

pipar

200 ml mjólk

3 msk smjör

1 msk karríduft, eða eftir smekk

4 msk hveiti

salt

Kjötið sett í pott. Ef bitarnir eru stórir er e.t.v. best að skipta þeim í minni bita. Köldu vatni hellt yfir og hitað að suðu. Froða fleytt ofan af. Lárviðarlaufi, súputeningi og svolitlum pipar bætt í pottinn og látið malla við fremur hægan hita í um 50 mínútur, eða þar til kjötið er meyrt. Þá er það tekið upp úr og haldið heitu (og lárviðarlaufunum hent). 300 ml af soði hellt í könnu (hitt geymt ef skyldi þurfa að þynna sósuna) og mjólkinni blandað saman við. Smjörið brætt í pottinum. Karríduftinu stráð yfir, hrært og látið krauma í um 1/2 mínútu við vægan hita (ekki brenna). Þá er hveitinu stráð yfir og hrært þar til það hefur samlagast smjörinu. Soði og mjólk hellt saman við smátt og smátt, þar til sósan er hæfilega þykk, og hrært stöðugt á meðan. Látið malla í 5-10 mínútur. Smakkað og bragðbætt með salti og pipar eftir þörfum. Borið fram með soðnum hrísgrjónum og góðum kartöflum.

kveðja  Gummi Júl